GJËEGJËZA

                                GJËEGJËZA

E bardhë jam, në dimër vij

Më do mua çdo fëmijë,

Por  saherë dielli del

Shkrihem, zhdukem përnjëherë…

(B . . . )

 ____________________________________________________________

I gjallë s’jam , por fluturoj

Anembanë botës shkoj,

Por me mua që t`udhëtosh

Një bilet duhet t`posedosh…

(A . . . . . . . . )

________________________________________

Jam një peshk shumë i madh

Dhëmbë t`mprehta unë kam

Jam i keq dhe të kafshoj

Nëse në det të  takoj…

(P . . . . . . . . )

 _______________________________________

Jemi  të vogla, jemi të kuqe,

Jemi dhe të verdha

Kur na hani, jemi të ëmbla,

Por kujdes se ndonjëherë

Kemi dhe krimba brenda…

(Q . . . . . . )

_______________________________________

Përmbi  lum unë kaloj

Dhe dy brigje i bashkoj

Emrin me tre shkronja e kam

A e dini se kush jam?

(U . .)

_______________________________________

Rritem në fushë

Bluhem në mulli

Nga unë bëjnë bukë

Për  çdo njeri….

(G . . . .)

_______________________________________

Top i zjarrtë në qiell qëndron

Dhe nxehtësi në tokë lëshon

Nëse në çast ai mungon

Të gjithë token i ftohti kaplon

(D . . . . )

________________________________________

Nga ujëburimi  lindi

Rrugë të gjatë unë bëj

Male, fusha shumë kaloj

Në fund në det përfundoj.

( L . . . )

________________________________________

Misër haj , por vezë s`bëj

Në mëngjes unë këndoj

Njerëzit nga gjumi i zgjoj…

( GJ . . . )

________________________________________

Nga shiu të mbroj

Në vapë hije të bëj

Në plazh të shoqëroj,

Por kujdes nga era

Se mund  të fluturoj.

( O . . . . . . )

______________________________________

Në krevat gjithë kohës  rri

I vetmuar pa shoqëri

Veç natën më shoqëroni

Dhe gjatë ditës kur pushoni

Kush mbi mua kokën vë

Gjumi shpejt do ta zë.

(J . . . . . . )

______________________________________

Në ujë mbrenda unë jetoj

Dhe pas krimbave  nxitoj,

Por shpesh herë në grep përfundoj

(P . . . . )

______________________________________

Shtatë motra ne jemi

Të pandara gjithmonë jemi

Rendin shumë mirë e dimë

Njëra pas tjetrës vijmë

Pesë  shërbejnë për mësim

Dy të tjerat për pushim..

( D . . . .  .  J. . . .)

_____________________________________

Në kopsht zoologjik jam

Qafën e gjatë e kam,

Por unë kam dëshirë të ik

Në vendin tim, diku në Afrikë.

(GJ . . . . . )

___________________________________

Si  ushtarë në gojë të reshtuar

Puna jonë është që të bluajmë,

Por shpesh krimbi na sulmon

Nëse ti nuk na pastron.

(DH . . . . .)